Што е ECT?
ECT е краткотрајно користење на електрична струја заради промена на електричната активност на мозокот.
ECT се дава на само кога на лицето:
• му е даден лек што го доведува во многу длабок сон наречен тотална анестезија, и
• му е даден лек за опуштање на мускулите, наречен мускулен релаксант.
Зошто ќе се одржи расправа во Трибуналот за ECT за мојот случај?
Mental Health Tribunal одлучува дали на пациентите им треба задолжително електроконвулзивно лекување (ECT). Ако вашиот психијатар сака да ви пружи ECT, но вие не можете да дадете информирана согласност, тогаш тој мора да поднесе барање до Mental Health Tribunal за да добие дозвола.
Ние сме независен Трибунал и ќе ви овозможиме праведна расправа.
Што се случува на расправата на Трибуналот за ECT?
Расправата на Трибуналот за ECT е средба на која одлучуваме дали мора да ви се пружи ECT.
- Трите членови на Трибуналот го читаат извештајот од тимот што ве лекува и сите информации што ќе ги дадете.
- Разговараме со вас и со вашиот тим за лекување. Ви поставуваме прашања за вашите мислења и за она што вие го сакате.
- Одлучуваме дали ви треба ECT.
- Ви ја соопштуваме нашата одлука.
Расправите траат околу еден час. Тие се приватни и доверливи.
Трите членови на Трибуналот што присуствуваат на расправите се:
- правник
- психијатар
- член на заедницата.
Како Трибуналот ќе одлучи дали ќе ми биде укажано ECT?
Ние одлучуваме дали да издадеме налог со кој се одобрува ЕСТ врз основа на критериуми во Mental Health and Wellbeing Act 2022 (Законот за ментално здравје и добросостојба од 2022 година).
Ако сте задолжителен пациент (compulsory patient) постар од 18 години, ECT може да одобриме само ако:
- не сте способни да дадете информирана согласност и
- не постои помалку рестриктивен начин да бидете лекувани.
Ако сте доброволен пациент (voluntary patient) постар од 18 години, ECT може да одобриме само ако:
- не сте способни да дадете информирана согласност и
- не постои помалку рестриктивен начин да бидете лекувани и
- имате упатство за лекување (instructional directive) со кое давате информирана согласност за ECT или вашиот доносител на одлуки за медицинско лекување (medical treatment decision maker) дава писмена информирана согласност за ECT.
Ако сте задолжителен пациент помлади од 18 години, ECT може да одобриме само ако:
- сте дале информирана согласност написмено или
- не сте способни да дадете информирана согласност и
- не постои помалку рестриктивен начин да бидете лекувани.
Ако сте доброволен пациент помлад од 18 години, ECT може да одобриме само ако:
- сте дали информирана согласност написмено или
- не сте способни да дадете информирана согласност, но вашиот доносител на одлуки за медицинско лекување написмено дал информирана согласност и
- вие не можете да дадете информирана согласност, но лице кое има правно овластување да даде согласност написмено дало информирана согласност.
Што точно ќе одлучи Трибуналот?
Ако се исполнуваат критериумите, Трибуналот ќе подготви налог дека мора да добиете ECT и ќе одлучи:
- колку долго ќе важи налогот (максималното времетраење е до 6 месеци), и
- колку лекувања одобрува (максималниот број е до 12 лекувања).
Ако критериумите не се исполнуваат, Трибуналот ќе го одбие барањето на вашиот психијатар да ви пружи ECT.
Зошто треба да присуствувам на расправата?
Важно е да присуствувате на расправата за да ни кажете што мислите за лекувањето со ECT. Ако не присуствувате, ќе мора да донесеме одлука во ваше отсуство.
Како да се подготвите за расправата
Можете да ги направите овие работи за да се подготвите:
- Најдете некој да ви помогне да се подготвите
- Прочитајте го извештајот за вас на тимот што ве лекува
- Планирајте што ќе речете
- Разговарајте со тимот што ве лекува или со Трибуналот како да учествувате
- Линк за да се вклучите во расправата онлајн ќе биде достапен 3 дена пред расправата.
- Контактирајте го Трибуналот ако сакате по имејл да ви го пратиме линкот за вклучување во расправата
- Поднесете барање до Трибуналот, вклучително ваша претходна изјава на
Желби (advance statement of preferences) (ако ја имате).
Тимот што ве лекува ќе напише извештај зошто мисли дека ви треба ECT. Примерок на тој извештај треба да добиете најмалку два работни дена пред вашата расправа.
Од тимот што ве лекува побарајте копија на тој извештај ако не сте го добиле.
Може да планирате што сакате да речете на расправата или да напишете поднесок до Трибуналот, запишувајќи:
Може да планирате што сакате да речете на расправата, запишувајќи:
- Што знаете за ECT
- Дали сакате да имате ECT и зошто
- Дали повеќе би сакале некој друг третман и зошто
- Сѐ што мислите дека во извештајот не е точно.
Побарајте помош
За повеќе информации или за да контактирате со нас
Mental Health Tribunal
1800 242 703
mht@mht.vic.gov.au
www.mht.vic.gov.au
За толкувач
Повикајте нè со толкувач преку Translating and Interpreting Service (TIS National)
131 450
Ако сакате толкувач на расправата, побарајте го од вашата здравствена служба. Ние ќе се погрижиме за трошоците.
За адвокат
Mental Health Legal Rights Service Helpline
1800 849 806
Victorian Aboriginal Legal Service
(03) 9418 5920
За помош за да разговарате со вашиот тим за лекување
Independent Mental Health Advocacy
1300 947 820
contact@imha.vic.gov.au
За второ мислење од друг психијатар
Psychiatric Second Opinion Service
1300 503 426
intake@secondopinion.org.au