តើ Mental Health Tribunal គឺជាអ្វី?
Mental Health Tribunal សម្រេចចិត្តថាតើអ្នកជំងឺត្រូវការការព្យាបាលសុខភាពផ្លូវចិត្តដែលខានមិនបាន (ការព្យាបាលដែលពួកគេត្រូវតែទទួលយក) ឬក៏អត់។ យើងជាក្រុមការងារឯករាជ្យនៃសេវាកម្មសុខភាពរបស់អ្នក
ហើយផ្តល់សវនាការដោយយុត្តិធម៌ដើម្បីការពារសិទ្ធិរបស់អ្នក។
តើមានអ្វីកើតឡើងនៅសវនាការសាលាក្តី?
សវនាការសាលាក្តី គឺជាកិច្ចប្រជុំមួយដែលយើងសម្រេចថាតើអ្នកត្រូវតែទទួលយកការព្យាបាលសុខភាពផ្លូវចិត្ត ឬក៏អត់។
១. សមាជិកសាលាក្តី៣រូប អានរបាយការណ៍មួយពីក្រុមការងារព្យាបាលរបស់អ្នក និងព័ត៌មានណាមួយដែលអ្នកផ្តល់ឱ្យ។
២. យើងធ្វើការពិភាក្សាជាមួយអ្នក និងក្រុមការងារព្យាបាលរបស់អ្នក។ យើងសួរអ្នកអំពីទស្សនៈ និងចំណង់ចំណូលចិត្តរបស់អ្នក។
៣. យើងសម្រេចថាតើការព្យាបាលរបស់អ្នក នឹងជាតម្រូវការដែលខានមិនបានឬក៏អត់ (ការព្យាបាលដែលអ្នកត្រូវតែទទួលយក)
៤. យើងប្រាប់អ្នកអំពីការសម្រេចចិត្តរបស់យើង។
សវនាការត្រូវការពេលប្រហែលមួយម៉ោង ដែលធ្វើឡើងជាឯកជន និងសម្ងាត់។
សមាជិកសាលាក្តី៣រូបនៅសវនាការគឺ៖
- សមាជិកផ្នែកច្បាប់មួយរូប
- គ្រូពេទ្យផ្នែកវិកលចរិក ឬសមាជិកពេទ្យមួយរូប
- សមាជិកសហគមន៍មួយរូប។
ហេតុអ្វីបានជាខ្ញុំត្រូវទៅចូលរួមសវនាការ?
សវនាការរបស់អ្នក គឺជាឱកាសដ៏សំខាន់ដើម្បីឱ្យអ្នកបញ្ចេញមតិរបស់អ្នក
ថាតើអ្នកត្រូវការការព្យាបាលដែលខានមិនបានឬក៏អត់។ ប្រសិនបើអ្នកមិនទៅទេ
យើងនឹងត្រូវតែធ្វើការសម្រេចចិត្តដោយគ្មានវត្តមានរបស់អ្នកនៅទីនោះ។
តើសាលាក្តីនឹងសម្រេចចិត្តដោយត្រឹមត្រូវអំពីអ្វីខ្លះ?
យើងអាចសម្រេចចិត្តលុបចោល (ដកហូត) Treatment Order របស់អ្នក ។ ប្រសិនបើយើងលុបចោល Treatment Order របស់អ្នក អ្នកអាចសម្រេចចិត្តថាតើត្រូវបន្តការព្យាបាលឬក៏អត់។
យើងក៏អាចសម្រេចចិត្តចេញការបង្គាប់បញ្ជាមួយក្នុងចំណោមការបង្គាប់បញ្ជាទាំងនេះ៖
- Community Treatment Order - អ្នកត្រូវតែទទួលការព្យាបាល ប៉ុន្តែអ្នកមិនចាំបាច់ត្រូវតែនៅក្នុងមន្ទីរ ពេទ្យទេ។ ប្រសិនបើអ្នកមានអាយុ១៨ឆ្នាំ ឬលើសនេះ ការបង្គាប់បញ្ជានេះអាចមានរយៈពេលរហូតដល់ទៅ១២ខែ។ គ្រូពេទ្យផ្នែកវិកលចរិកដែលព្យាបាលអ្នក អាចលុបចោលវានៅពេលណាក៏បាន។
- Inpatient Treatment Order - អ្នកត្រូវតែនៅមន្ទីរពេទ្យ ហើយទទួលការព្យាបាល។ ប្រសិនបើអ្នកមានអាយុ ១៨ឆ្នាំ ឬលើសនេះ ការបង្គាប់បញ្ជានេះអាចមានរយៈពេលរហូតដល់ទៅ៦ខែ។ គ្រូពេទ្យផ្នែកវិកលចរិកដែលព្យាបាលអ្នក អាចលុបចោល ឬផ្លាស់ប្តូរវាចំពោះ Community Treatment Order នៅពេលណាក៏បាន។
ប្រសិនបើអ្នកមានអាយុក្រោម១៨ឆ្នាំ Treatment Order អាចមានរយៈពេលរហូតដល់ទៅ៣ខែ។
តើសាលាក្តីនឹងសម្រេចចិត្តដោយបែបណា?
យើងសម្រេចចិត្តថាតើអ្នកត្រូវការ Treatment Order ឬក៏អត់ ដោយឆ្លើយសំណួរទាំង៤នេះ ដែលផ្អែកលើលក្ខណៈ វិនិច្ឆ័យនៅក្នុង Mental Health Act 2014:
១. តើអ្នកមានជំងឺផ្លូវចិត្តឬទេ?
២. តើអ្នកនឹងត្រូវការការព្យាបាលឥឡូវនេះឬទេ ដើម្បីការពារភាពដុនដាបកាន់តែធ្ងន់ធ្ងរណាមួយនៅក្នុងសុខភាព
ផ្លូវចិត្ត ឬសុខភាពរាងកាយរបស់អ្នក ឬក៏គ្រោះថ្នាក់ធ្ងន់ធ្ងរដល់អ្នក ឬនរណាផ្សេងទៀត?
៣. តើអ្នកនឹងត្រូវគេព្យាបាលឥឡូវនេះឬទេ ប្រសិនបើអ្នកស្ថិតនៅក្រោម Treatment Order?
៤. តើ Treatment Order គឺជាវិធីតែមួយគត់ឬទេ ដើម្បីធានាថាអ្នកនឹងទទួលបានការព្យាបាលដែលអ្នកត្រូវការ?
ប្រសិនបើចម្លើយទៅនឹងសំណួរទាំង៤នេះ ថា បាទ/ចាស៎ យើងនឹងចេញ Treatment Order។
ប្រសិនបើចម្លើយទៅនឹងសំណួរទាំងនេះណាមួយថា ទេ នោះយើងនឹងលុបចោល (ដកហូត) Treatment Order របស់អ្នក ។
តើត្រូវត្រៀមខ្លួនសម្រាប់សវនាការរបស់អ្នកយ៉ាងដូចម្តេច?
អ្នកអាចធ្វើកិច្ចការទាំងនេះ ដើម្បីត្រៀមខ្លួន៖
- រកនរណាមា្នក់ដើម្បីជួយអ្នកត្រៀមខ្លួន
- អានរបាយការណ៍របស់ក្រុមការងារព្យាបាលអ្នក អំពីអ្នក
- រៀបផែនការអំពីអ្វីដែលអ្នកនឹងត្រូវនិយាយ
- នាំយក advance statement របស់អ្នក ប្រសិនបើអ្នកមាន។
ក្រុមការងារព្យាបាលរបស់អ្នកនឹងសរសេររបាយការណ៍ទៅសាលាក្តី អំពីមូលហេតុដែលពួកគេគិតថាអ្នកត្រូវការការព្យាបាលដែលខានមិនបាន។ អ្នកត្រូវទទួលបានរបាយការណ៍នេះមួយច្បាប់ យ៉ាងហោចណាស់២ថ្ងៃមុនសវនាការរបស់
អ្នក។ ស្នើសុំរបាយការណ៍នេះមួយច្បាប់ពីក្រុមការងាររបស់អ្នក ប្រសិនបើអ្នកមិនបានទទួលទេ។
អ្នកអាចរៀបគម្រោងពីអ្វីដែលអ្នកចង់និយាយនៅសវនាការរបស់អ្នក ដោយសរសេរ៖
- តើអ្នកគិតយ៉ាងណាដែរអំពីការព្យាបាលរបស់អ្នក?
- តើអ្នកគិតយ៉ាងណាដែរអំពីការស្ថិតនៅក្រោម Treatment Order?
- ប្រសិនបើអ្នកព្យាបាលនៅក្នុងមន្ទីរពេទ្យ តើអ្នកចង់ទទួលការព្យាបាលនៅក្នុងសហគមន៍ឬទេ?
- តើនរណាអាចជួយអ្នករក្សាសុខភាពបានល្អ? តើត្រូវធ្វើដោយបែបបណា?
- តើមានលក្ខណៈវិនិច្ឆ័យ៤ណាមួយ ដែលមិនអនុវត្តចំពោះអ្នកឬទេ? ហេតុអ្វី?
- តើមានអ្វីខុសនៅក្នុងរបាយការណ៍នេះឬទេ?
ទទួលបានជំនួយ
សម្រាប់ព័ត៌មានបន្ថែម ឬដើម្បីទាក់ទងមកយើង
Mental Health Tribunal
1800 242 703
mht@mht.vic.gov.au
www.mht.vic.gov.au
សម្រាប់អ្នកបកប្រែភាសា
សូមទូរស័ព្ទមកយើងជាមួយអ្នកបកប្រែភាសាតាមរយៈ Translating and Interpreting Service (TIS National)
លេខ 131 450
ប្រសិនបើអ្នកចង់បានអ្នកបកប្រែភាសាម្នាក់នៅសវនាការរបស់អ្នក សូមប្រាប់សេវាកម្មសុខភាពរបស់អ្នក។ យើងនឹងបង់ថ្លៃចំណាយសម្រាប់ដំណើរការនោះ។
សម្រាប់មេធាវី
Victoria Legal Aid
1300 792 387
Mental Health Legal Centre
(03) 9629 4422
សម្រាប់ជំនួយនិយាយជាមួយក្រុមការងារព្យាបាលរបស់អ្នក
Independent Mental Health Advocacy
1300 947 820
contact@imha.vic.gov.au
សម្រាប់មតិទីពីរពីគ្រូពេទ្យផ្នែកវិកលចរិតផ្សេងទៀត
Psychiatric Second Opinion Service
1300 503 426
intake@secondopinion.org.au